Istanbul-(Puntland Mirror) Banaanbax weyn oo lagu taageerayo jawaabti Turkiga ka bixiyay isku-daygii afgembiga fashilmay ayaa lagu qabtay magaalada Istanbul, waxaana si wadajir ah uga qaybgalay madaxweynaha, raysulwasaaraha iyo labo hoggaamiye oo kamid ah ururada mucaaradka ah.
Dad lagu qiyaasay saddex milyan, oo ruxayay calanka dalka Turkiga, ayaa ka qaybgalay banaanbaxa dhacay maanta oo Axad ah.
“Waa banaanbax dimuqraadiyad iyo dadkii shahiiday, waxay la macno tahay in dalkeena midaysanyahay,” ayuu yiri Madaxweyne Recep Tayyip Erdogan isagoo ka codsaday dadka ka qaybgalay in ay haystaan calanka Turkiga oo kaliya.
“Waa in aynu u istaagnaa si wadajir ah oo hal qaran oo kaliya ah, hal calan, hal dal oo hooyo, hal dowlad, hal naf,” ayuu ku daray Madaxweyne Erdogan.
Banaanbaxyo kan lamid ah ayaa ka dhacay qaybaha kale ee dalka Turkiga.
Isku-daygii afgembiga fashilmay ee ka dhacay Turkiga 15-kii bishii July, 2016, ayaa waxaa ku dhintay dad ku dhow 270 qof.
Related Posts
February 25, 2017 Madaxweynaha Puntland oo Cabdinaasir Biixi Soofe u magacaabay agaasimaha madaxtooyada
December 2, 2016 Yahya Jammeh oo looga guuleystay doorashada madaxweynaha kadib 22-sanno oo uu hoggaaminayay dalka Gambia
November 4, 2017 Mareykanka oo muwaadiniintiisa u jeediyay in ay ka baxaan magaalada Muqdisho
December 12, 2019 Dagaal u dhaxeeya labo maleeshiyo beelood gudaha gobolka Mudug oo xabad joojin la dhex dhigay
