Muqdisho-(Puntland Mirror) Xildhibaan hore oo ka tirsanaan jiray baarlamaanka dowlada federaalka Soomaaliya ayaa kamid ah naftood haligayaashii shalay oo Talaado ahayd isku-qarxiyay meel u dhow xarunta Amisom ee Muqdisho, sida ay sheegeen kooxda al-Shabaab.
Idaacada kooxda al-Shabaab u faafisa wararka ee Andalus ayaa sheegtay Saalax Badbaado inuu kamid ahaa nimankii isku-qarxiyay shalay Muqdisho.
Idaacada ayaa baahisay cod laga duubay Saalax Badbaado kahor inta uusan is-qarxin, wareysiga ayuu ku sheegay inuu rabo inuu is-biimeeyo.
Saalax Badbaado ayaa kamid ahaa xildhibaanadii dowlada federaalka Soomaaliya xilligii ay kumeel gaarka ahayd, isagoo xildhibaan ahaa muddo 10 –sanno ah. Kooxda al-Shabaab ayuu ku biiray sanadkii 2010-ka, isagoo ku eedeeyay dowlada xilligaas jirtay in aysan ku dhaqmin shareecada Islaamka.
Mudadii u dambaysay waxaa la sheegay Salaax inuu mu’adin ka ahaa masaajid kuyaala meelaha ay kooxda al-Shabaab gacanta ku hayso oo kutaala koonfurta Soomaaliya.
Ugu yaraan 15 qof ayaa ku dhimatay kadib markii labo gaari oo walxaha qarxa laga soo buuxshay lagu weeraray xarunta Amisom ee Xalane, Muqdisho, shalay oo Talaado ahayd.
Kooxda hubaysan ee al-Shabaab ayaa sheegatay masuuliyada weerarkaas. Kooxda ayaa dagaal kula jirta dowlada uu caalamka dabada ka riixayo ee Soomaaliya.
Related Posts
August 1, 2019 Puntland oo xustay sanadguuradeeda 21-aad ee dowladnimo
May 21, 2019 Masuuliyiin Soomaali ah oo Kenya ay u diiday dal ku gal oo dib ugu soo noqday Muqdisho
April 1, 2017 Ugu yaraan 92 qof oo ku geeriyooday roobab daad wata oo ka da’ay dalka Columbia
September 15, 2016 Xasan Shiikh oo gaaray magaalada Jowhar si uu u furo shirka maamul u samaynta gobolada Hiiraan iyo Shabeelaha Dhexe
