Al-Shabaab iyo ISIS oo markale ku dagaalamay gobolka Bari

Maleeshiyo ISIS ah oo ku sugan Puntland. [sawir Hore]

Garoowe-(Puntland Mirror) Dagaal culus oo u dhaxeeya labo maleeshiyo oo katirsan Al-Shabaab iyo ISIS ayaa markale ka qarxay gobolka Bari, sida ay sheegeen ilo-wareedyo haayadaha ammaaka ah.

Dagaalka cusub ayaa Axadii ka bilaabmay deegaanka buuralayda ah ee Marshaad oo u dhow magaalo xeebeedka Qandala, ilo-wareed katirsan ciidamada Puntland, oo codsaday in magacooda aan la sheegin, ayaa u sheegay bog wareedka Puntland Mirror.

Ma jirto wax faahfaahin ah oo ku saabsan khasaaraha ka dhashay dagaalka ilaa iyo hadda, sida ilo-wareedku sheegay.

Bishii December ee sanadkii tagay, labada maleeshiyo ayaa ku dagaalamay deegaanka Bir Miirali, oo dhanka koonfureed kaga beegan magaalada Qandala ee gobolka Bari.