Muqdisho-(Puntland Mirror) Wasiirka arrimaha dibada ee dowlada federaalka Soomaaliya Cabdisalaam Cumar Hadliye ayaa sheegay in shir-weynaha madaxda urur goboleedka IGAD uu beri oo Talaado ah ka furmi doono magaalada Muqdisho ee caasimada Soomaaliya.
“Shirka IGAD beri ayuu ka dhacayaa Muqdisho sida la qorsheeyay,” sidaa ayuu u sheegay saxaafada Hadliye.
Dhanka kale, amaanka Muqdisho ayaa aad loo adkeeyay iyadoo wadooyinka waa-weyn xiranyihiin muddo shan beri ah. Waxaana la dhigay wadooyinka waa-weyn ciidamo badan oo aad u hubaysan, kuwaasoo xiray ganacsiga kuyaala wadooyinkaas.
Wasiirka arrimaha dibada Soomaaliya ayaa sheegay in ay fursad weyn u yahay Soomaaliya in ay martigeliso shir sidaan oo kale ah sababtoo ah dalka ma martigelin shir caalami ah oo heerkaas gaar-siisan tan iyo sanadkii 1974, wakhtigaas oo Muqdisho ay martigelisay shir madaxeedkii Midowga Afrika.
Urur goboleedka IGAD ayaa ka kooban Soomaaliya, Kenya, Suudaan, Koonfurta Suudaan, Itoobiya, Uganda, Eriteeriya iyo Jabuuti.
Related Posts
January 31, 2019 Madaxweynaha Puntland oo qaabilay qaar katirsan danjirayaasha ajnabiga ah ee ku sugan Soomaaliya
April 23, 2017 Madaxweyne Farmaajo oo tagay magaalada Baydhabo
January 7, 2017 Jubaland forces recapture Bulo-gudud district from Al-Shabab
March 8, 2017 Madaxweynaha dowladda federaalka Soomaaliya oo qaabilay safiirka Jarmalka u qaabilsan Soomaaliya iyo Kenya
