Muqdisho-(Puntland Mirror) Shirka madasha qaran ee u dhaxeeya hoggaamiyaasha siyaasada Soomaalida ayaa maanta si rasmiya uga furmay caasimada Soomaaliya, Muqdisho.
Waxaa shirka kasoo qaybgalay Madaxweynaha dowladda federaalka Soomaaliya, Raysulwasaaraha, Madaxweynayaasha Puntland, Jubbaland, Koonfur Galbeed iyo Madaxweyne ku-xigeenka Galmudug.
Sidoo kale waxaa shirka ka qaybgalaya guddiga doorashooyinka Soomaaliya, kuwaasoo soo jeedin doona howlaha farsamo ee loo baahanyahay kahor doorashada.
Qodobada shirka looga hadlayo ayaa waxaa ugu muhiimsan samaynta wakhtiga kama dambaysta ah ee la qabanayo doorashooyinka.
Soomaaliya ayaa qorshaynaysa in doorashooyinka baarlamaanka iyo Madaxweynaha la qabto kahor inta uusan dhamaan sanadka 2016.
Doorashooyinka dalka ayaa u muuqda kuwa dib uga dhacaya wakhtigii horey loogu heshiiyay ee ahaa bilaha August iyo September. Waxaana la filayaa in ay dib u dhacaan ilaa iyo bisha December ee dabayaaqada sanadkan 2016.
Shirka ayaa socon doona sida la filayo ilaa iyo Jimcada soo socota.
Madaxweynaha hadda xilka haya Xasan Shiikh Maxamuud ayaa sheegaya inuu mar labaad u tartami doono madaxweynaha Soomaaliya.
Xasan Shiikh ayaa loo doortay madaxweynaha Soomaaliya bishii September ee sanadkii 2012-ka, gudaha Muqdisho, dastuur ahaana wakhtigiisu wuxuu ku egyahay 9, bisha September, 2016.
Related Posts
January 8, 2017 Somalia’s NISA forces thwarts motorbike bomb in Afgoye town
August 6, 2016 Somalia to host IGAD heads of states in September
December 30, 2017 Heshiis xabad joojin ah oo laga gaaray dagaalo ka dhacay deegaanada miyiga ee kuyaala xadka gobolada Nugaal iyo Sool
November 28, 2016 Dagaal culus oo u dhaxeeya Al-Shabaab iyo maleeshiyaad taageersan Galmudug oo ka qarxay deegaanada Dabagalo iyo Duumaaye oo hoostaga degmada Xara-dheero
Be the first to comment