Ugu yaraan labo qof oo ku dhimatay qarax ka dhacay Muqdisho

Qaraxa oo ahaa miino dhulka lagu aasay ayaa ka dhacay xaafada Xoosh, waxaana lala eegtay guddoomiye ku xigeenka dhanka amniga iyo siyaasada degmada Kaxda Cabdinaasir Xasan Cali, kaaso ku dhaawacmay qaraxa, sida ay sheegeen goobjoogayaal.

Labada qof ee ku geeriyootay qaraxa ayaa ahaa ilaalada Cabdinaasir Xasan Cali, ilo-wareedyada ayaa intaas ku daray.

Maleeshiyada Al-Shabaab ayaa sheegatay masuuliyada weerarkaas, sida ay tabiyeen warbaahinta afkooda ku hadla.