Gaariga ayaa la socday kolonyo markii uu qaraxa la kacay, kaasoo keenay qarax weyn, sida ay goobjoogayaashu sheegeen.
Ilo-wareed katirsan ciidamada Soomaaliya kaasoo codsaday in aan magaciisa la sheegin ayaa sheegay in uu arkay meydka todobo askari oo Kiinyaati ah iyo labo kale oo si xun ugu dhaawacmay qaraxa. Isaga oo intaas ku daray in qaraxa uu gaariga burburshay, taasoo sababtay in si dhaqso ah ay askartu u dhintaan.
Maleeshiyada Al-Shabaab ayaa sheegatay in 15 askari ay ku dileen qaraxa.
Goobjoogayaasha ayaa sheegaya in tirada dhimashada ay ka badantahay todobo askari, halka dhowr kalena ay dhaawacmeen.
Kolonyada ayaa qeyb ka ahayd ciidamada Kenya ee katirsan howlgalka milatariga Afrika ee Soomaaliya oo loo yaqaan AMISOM. Baabuurta ayaa ku sii jeeday saldhig ciidan oo ay ku leeyihiin magaalada Dhooblay ee gobolka Jubbada Hoose.
Related Posts
July 12, 2017 Wariye Kilwe oo weli ku xiran Garoowe
February 21, 2017 Madaxweynaha dalka Azerbaijan oo xaaskiisa ka dhigay madaxweyne ku-xigeen
September 25, 2016 Madaxweynaha dowlada Puntland oo dhagax-dhigay xarun cusub oo ay yeelan doonto wasaaradda waxbarashada iyo tacliinta sare
September 27, 2017 Caruur ka carartay gobolada koonfur galbeed si ay uga baxsadaan askaraynta Al-Shabaab
