“32-da caruurta ah waa ay fiicanyihiin, dowladduna waa ay ilaaalin. Waa nasiib darro in argagixisadu ay qoranayaan caruurta si ay uga dhaadhiciyaan fikirkooda,” Wasiirka Warfaafinta dowladda federaalka Soomaaliya, Cabdiraxmaan Cumar Cusmaan ayaa sidaa u sheegay wakaalada wararka Reuters maanta oo Jimce ah.
“Waxay muujinaysaa sida ay argagixisadu u wareersanyihiin, iyaga oo ku jabay dagaalka dadkuna ay diideen argagaxa,”
Al-Shabaab ayaa sheegtay in ciidamada dowladda, ay waheliyeen diyaaradaha aan duuliyaha lahayn, oo soo weeraray iskuulka oo kuyaala gobolka Shabeellaha Dhexe. Waxayna sheegeen in afar caruur ah iyo macalin la dilay.
Wax jawaab ah kama soo bixin dowladda Soomaaliya weli oo ku saabsan khasaaraha ay Al-Shabaab sheegtay.
“Waxay afduubeen caruurta intoodii kale,” ayuu wakaalada wararka Reuters u sheegay Cabdicasiis Abu Muscab, oo ah afhayeenka howlgalada millatariga ee Al-Shabaab.
“Haayada Human Rights Watch ayaa ka dambeysa dhimashada caruurta iyo macalimiinta maxaa yeelay iyagaa farta ku goday,” ayuu ku sii daray.
Warbixin ay soo saartay asbuucaan haayada xuquuqul iinsaanka ee fadhigeedu yahay magaalada Newy York ee Human Rights Watch ayay ku sheegtay in tan iyo bishii September ee sanadkii 2017, Al-Shabaab ay ku amartay odayaasha deegaanka, macalimiinta jooga iskuulada diinta lagu barto, iyo bulshada reer miyiga ah in ay keenaan boqolaal caruur ah oo da’doodu tahay ilaa sideed jir.
Related Posts
June 13, 2016 Eriteeriya oo ku eedaysay Itoobiya in ay xadkeeda soo weerartay
May 23, 2017 Madaxweynaha Soomaaliya oo tagay dalka Jabuuti
August 8, 2024 Golaha wasiiradda DFS oo ansixiyay sharciga doorashooyinka iyo sharciga xisbiyadda
January 15, 2017 Ciidamada dowladda Soomaaliya ee Mareykanku tababaray oo weeraray saldhig ay Al-Shabaab ku leeyihiin gobolka Shabeellaha Hoose
