Duqeyntii ugu horeysay asbuucaan ayaa Isniintii ka dhacday deegaan kuyaala gobolka Mudug, waxayna Taliska Mareykanka ee Afrika sheegeen in 37 dagaalyahan oo Al-Shabaab katirsanaa lagu dilay.
Talaadadii, duqeyn kale oo ka dhacday deegaanka Qaycad ee gobolka Mudug, waxa uu Mareykanka sheegay in ay ku dileen todobo dagaalyahan.
Duqeyntii ugu dambeysay ayaa Arbacadii ka dhacday deegaanka Xaradheere ee gobolka Mudug, waxaana Taliska Mareykanka ee Afrika bayaan ay sii daayeen Khamiistii ku sheegeen in lix dagaalyahan lagu dilay, laguna burburiyay hub.
Dhammaan duqeymaha ayaa ka dhacay gobolka Mudug ee bartamaha Soomaaliya.
Waxay u muuqataa in milatariga Mareykanku uu hadda bartilmaameedsanayo maleeshiyada Al-Shabaab ee ku sugan gobolada kale ee dalka marka laga tago koonfurta oo duqeymo badan ay ka fuliyeen.
Mareykanka ayaa kordhiyay duqeymaha ka dhanka ah maleeshiyada Al-Shabaab ee ku sugan Soomaaliya tan iyo horaantii sanadkii 2017-kii.
Related Posts
July 11, 2016 Madaxweynaha Koonfurta Suudaan oo amar ku bixiyay xabad joojin
August 26, 2017 Somali government investigate killing of civilians in Barire area
April 9, 2017 Burcadbadeeda Soomaaliya oo markab ganacsi oo ku gooshayay calanka jasiirada Tuvalu ku afduubtay xeebaha Soomaaliya
September 30, 2017 Xaggee marayaa khilaafka Galmudug?
