.jpg)
Baydhabo-(Puntland Mirror) Madaxweynaha dowlada federaalka Soomaaliya Xasan Shiikh Maxamuud ayaa maanta oo Arbaco ah gaaray magaalada Baydhabo ee xarunta maamul goboleedka Soomaaliyeed ee Koonfur Galbeed.
Waxaa madaxweynaha iyo wefdiga uu hoggaminayo kusoo dhaweeyay garoonka diyaaradaha Baydhabo Madaxweynaha maamulka Koonfur Galbeed Shariif Xasan Shiikh Aadan, guddoomiyaha baarlamaanka dowlada federaalka Soomaaliya Maxamed Shiikh Cusmaan Jawaari iyo dad shacab ah oo badan oo madaxweynaha kusoo dhaweeyay jawi ay farxad ku dheehnayd.
Madaxweyne Xasan ayaa Baydahob u yimid ka qaybgalka shirka madasha qaran oo u dhaxeeya madaxda dowlada federaalka iyo hoggaamiyaasha maamul goboleedyada dalka ka jira.
Baydhabo ayaa markii kowaad martigelinaysa madashaas qaran oo horey kulamadii kan ka horeeyay loogu soo qabtay magaalooyinka Garoowe, Muqdisho iyo Kismaayo.
Amaanka magaalada ayaa aad loo adkeeyay, waxaa sidoo kale Baydhabo gaaray madaxweynayaasha Puntland iyo Jubaland.
Shirka madasha qaran ayaa lagu wadaa inuu galabta ka furmo Baydhabo waxaana looga hadlayaa hanaanka doorashooyinka dalka ka dhacaya bisha Agoosto ee sanadkan 2016-ka.
Related Posts
September 10, 2017 At least 5 killed in suicide bomb in Beledweyne town
November 17, 2018 Puntland oo noqotay meesha ugu weyn ee hubka sharci darada ah uu ka galo Soomaaliya
October 1, 2016 Warbixin: Daryeel la’aanta ciidamada Puntland oo keentay u adeegsiga danno gaar ah
July 16, 2016 Dad gaaraya 265 qof oo ku dhimatay intii uu socday iskudaygii afgembiga dhicisoobay ee Turkiga
Be the first to comment