Wargeyska Daily Nation ayaa sheegay in nimanka weerarka geystay ay dhakhaatiirta kala dageen gaari ay saarnaayeen kadib weerarka oo ka dhacay deegaanka Mandheera ee waqooyi-bari Kenya.
Taleefishinka KTN ayaa sheegay in booliisku ay uga shaki qabaan in dhakhaatiirtaas loo kaxaystay gudaha Soomaaliya, ayna ka dambeyso maleeshiyada Al-Shabaab.
Mandheera ayaa ahayd goob ay ka dhaceen weeraro joogto ah oo lagu dilay tobonaan dad shacab ah iyo ciidamada ammaanka, oo ay masuuliyada sheegatay Al-Shabaab.
Waa weerarkii labaad oo shan bilood gudahood ka dhaca Kenya oo ka dhan ah dad ajnabi ah. Bishii November 2018, niman hubeysan ayaa dhaawacay shan qof iyagoona deegaanka Chakama ku afduubtay haweenay ka shaqeysa gargaarka oo u dhalatay dalka Talyaaniga. Lamana oga halka lala aaday haweenaydaas oo la dhaho Silvia Romano.
Maleeshiyada Al-Shabaab ee fadhigeedu yahay Soomaaliya ayaa kordhisay weerarada gudaha Kenya tan iyo markii ciidamada Kenya ay soo galeen Soomaaliya sanadkii 2011.
Related Posts
March 12, 2017 Gaar u-ah: Puntland Mirror oo baaritaan ku sameeyay khaladaadka iyo eedaha musuqmaasuqa ka dhex jira mashruuca dhiraynta magaalada Garoowe
August 15, 2020 Wasiir Dowlihii Madaxtooyada Puntland oo u geeriyooday coronavirus
July 29, 2017 Xoghayihii hore ee Wasaaradda Arrimaha Gudaha Soomaaliya oo xafiiska ku wareejiyay xoghayaha cusub
April 29, 2020 Gaadiid sida gargaar oo ku sii qulqulaya Qardho
Be the first to comment