Muqdisho-(Puntland Mirror) Wasiirka warfaafinta dowlada federaalka Soomaaliya ayaa sheegay in ciidamada dowlada iyo kuwa AMISOM ay burburiyeen saldhigyo ay lahaayeen maleeshiyada al-Shabaab.
Wasiir Maxamed Cabdi Maareeye ayaa sheegay howlgal wadajir ah oo ay sameeyeen labada ciidan shalay oo Sabti ahayd in ay ku burburiyeen saldhigyo ay al-Shabaab ku lahaayeen deegaanka Beled Aaamiin oo ku yaala gobolka Shabeelaha Hoose.
Maareeye ayaa sheegay in howlgalka lagu soo qabtay ugu yaraan toban looga shaki qabo maleeshiyada al-Shabaab.
Saldhigyada la burburiyay ayaa al-Shabaab u isticmaali jireen uruurinta canshuuraha, sida uu sheegay wasiirka warfaafinta.
Wasiirka warfaafinta ayaa sheegay in howlgalka aysan ciidamada kala kulmin wax iska cabin ah.
Dowlada federaalka Soomaaliya oo caawimaad ka helaysa howlgalka Midowga Afrika ee Soomaaliya ayaa tobankii sanno u dambaysay dagaal kula jirtay maleeshiyada hubaysan ee al-Shabaab. Maleeshiyada ayaa inta badan laga saaray deegaanadii ay ku xoganaayeen, balse wali waxay haystaan dhul badan oo ku yaala koonfurta iyo bartamaha Soomaaliya.
Related Posts
September 21, 2016 RW Britain Theresa May oo sheegtay in dalkeeda uu Soomaaliya u dirayo ciidamo badan si ay ula dagaalamaan Al-Shabaab
January 11, 2017 Al-Shabaab oo labo nin oo ay ku eedaysay isku-tag galmo iyo nin kale oo ay jaajuusnimo ku eedaysay ku toogatay gobolka Jubbada Dhexe
December 7, 2022 Labo qof oo ku dhimatay shil gaari oo ka dhacay meel u dhow degmada Buurtinle
March 4, 2017 Haayada caalamiga ah ee haajiraada IOM oo dalbatay $24.6 milyan si ay u quudiso boqolaal kamid ah dadka ay abaartu saamaysay ee gudaha Soomaaliya
Be the first to comment