Xabad joojin ka jirta caasimada Koonfurta Suudaan ee Juba

Xabad joojin ayaa u muuqata in ay ka jirto caasimada Koonfurta Suudaan ee Juba, kadib afar beri oo dagaal culus uu dhacayay.

Dagaalka ayaa u dhaxeeyay ciidamo kala taageersan Madaxweyne Salva Kiir iyo ku-xigeenkiisa Riek Machar. Boqolaal qof ayaa ku dhintay dagaalka afarta bari socday.

Madaxweyne Salva Kiir iyo ku-xigeenkiisa Riek Machar ayaa shalay ku dhawaaqay xabad joojin.

Dagaalka u dhaxeeya labada nin ayaa khatar ku ah heshiiska nabada oo ay dhawaan gaareen Madaxweyne Salva Kiir iyo ku-xigeenkiisa Riek Machar.

Koonfurta Suudaan ayaa xornimadeeda ka qaadatay Suudaan sanadkii 2011, balse labo sanno kadib waxay gashay dagaal sokeeye oo uu dhaxeeyay Madaxweyne Salva Kiir iyo ku-xigeenkiisa Riek Machar. Kumanaan qof ayaa ku dhintay dagaaladaas waxaana ku barakacay malaayiin kale.