Labada masuul ayaa ka wadahadlay sidii loo yarayn lahaa wixii khilaaf ah ee jira, loona sii xoojin lahaa xiriirka ka dhaxeeya labada dal, sida lagu sheegay war-saxaafadeed kasoo baxay wasaaradda arrimaha dibada Soomaaliya.
Kulanka ayaa daba socday Madaxweynayaasha Soomaaliya iyo Kenya oo wadahadal asbuucii hore ku yeeshay khadka taleefoonka.
Axadii, Wasiirka Arrimaha Gudaha Kenya Fred Matiang’I oo safar ku yimid Muqdisho ayaa kulan la yeeshay madaxweynaha Soomaaliya Maxamed Cabdullaahi Farmaajo, waxaana uu u gudbiyay martiqaad uu madaxweynaha Kenya Uhuru Kenyata ka siday oo ah in Farmaajo uu Nairobi booqasho ku tago.
Soomaaliya iyo Kenya ayaa khilaafkoodu meel sare gaaray kadib sanadkii 2019 markii Kenya ay ku eedaysay Soomaaliya in ay beec geynta goobaha shidaalka ku dartay xeebta labada dal ku muransanyihiin, balse Soomaaliya waa diiday eedaas.
Labada dal ee dariska ah waxay sheeganayaan lahaanshaha 150,000 kiilomitir oo labo jibaar ah oo kuyaala xeebta Badweynta Hindiya, halkaas oo la sheegay in ay qani ku tahay saliid, gaas iyo kaluunka tuna.
Maxkamada Caalamiga ah ee ICJ ayaa bisha June ee sanadkan 2020 bilaabi doonta dhagaysiga kiiska muranka badda, oo la filayo in uu noqdo kii ugu dambeeyay.
Related Posts
August 18, 2018 Agaasime ku xigeenkii hore ee NISA oo loo magacaabay la taliye sare
February 29, 2020 Labo maleeshiyo oo Al-Shabaab ah oo lagu dilay duqeyn uu Mareykanku ka geystay Shabeellaha Hoose
July 27, 2024 FALSE: This image showing individuals blindfolded in Mogadishu’s Darusalam isn’t from 2024
March 23, 2022 Al-Shabaab oo weerar ku qaaday xarunta Xalane ee Muqdisho
