Muqdisho-(Puntland Mirror) Soomaaliya ayaa qorsheynaysa in ay dhisto ciidamo gaaraya 30,000 si ay u badalaan xoogaga AMISOM ee jooga dalka, sida uu sheegay masuul dowladda katirsan.
Wareysi ay la yeelatay wakaalada wararka dowladda ee Sonna, Wasiirka Amniga Soomaaliya Maxamed Abukar Islow ayaa sheegay in dowladdu ay qorsheynayso sidii ay u dhis lahayd ciidan dhan 30,000 si ay ula wareegaan ammaanka dalka marka ay baxdo AMISOM.
Saraakiil ka socda ciidamada dowlad goboleedyada iyo dowladda dhexe ayaa maanta oo Talaado ah isugu tagay Muqdisho si ay uga wada-xaajoodaan sameynta ciidamo qaran, sida uu sheegay wasiirku.
Soomaaliya ma aysan helin ciidan isku dhaf ah kuwaasoo awooda in ay la wareegaan ammaanka dalka qiyaastii 26 sanno.
Ku dhawaad 22,000 ciidamo ah oo ka socda Midowga Afrika ayaa difaacaya dowladda Soomaaliya ee Muqdisho fadhida oo ay kasoo horjeedo maleeshiyada Al-Shabaab.
Related Posts
March 14, 2020 Wasiirka Kalluumeysiga Soomaaliya oo sheegay in maraakiibta kalluumeysiga sharci darada ah ay soo celin karaan burcadbadeedii
January 6, 2020 Maxkamada sare ee ciidamada Puntland oo dil toogasho ah ku riday saddex askari oo dilay askar kale
December 11, 2016 Death toll rises to 30 after car bomb explodes outside Mogadishu main port
November 20, 2018 Xildhibaan katirsan baarlamaanka DFS oo ka badbaaday qarax loogu rakibay gaarigiisa
