Boosaaso-(Puntland Mirror) Haayadaha ammaanka Puntland ayaa gudaha magaalo xeebeedka Boosaaso ka bilaabay howlgalo lagu uruurinayo hubka sharci darada ah ee ku jira gacanta shacabka, sida uu sheegay masuul dowladda katirsan.
Wasiirka Amniga Puntland Axmed Cabdullaahi Yuusuf oo warbaahinta kula hadlay gudaha magaalada Boosaaso shalay oo Talaado ahayd ayaa sheegay in ujeedka howlgalka uu yahay in lagu qabto hubka sharci darada ah oo shacabka gacanta ugu jira.
“Waxaan jeclahay in aan u sheegno shcabkeena in ayaamahaan ay jiraan baaritaano lagu hayo magaalada taasoo la rabo in laga nadiifiyo hubka aan sharciga ahayn dadka haysta,” ayuu yiri wasiirku.
Wuxuu ku sii daray: “Shacabka waxaan u sheegaynaa in ay la shaqeeyaan ciidanka booliiska oo heegan u ah in ay iyaga u shaqeeyaan oo ay amnigooda sugaan,waxaan u sheegaynaa cidii haysata hub sharci daro ah in ay yimaadaan Wasaaradda Amniga si loogu sharciyeeyo.”
Wasiirka ayaa carabka ku adkeeyay in wixii hub ah oo ka weyn qoriga AK-47 aan loo ogoleyn in ay ku jiraan gacanta shacabka.
Related Posts
December 4, 2019 NISA oo qabatay nin katirsan Al-Shabaab oo rabay in uu weerar bumbo gacmeed ka geysto Muqdisho
February 21, 2022 Labbo kamid ah ilaalada madaxweynaha Puntland oo ku dhintay qarax ka dhacay Boosaaso
June 13, 2016 Wasiirka amniga Puntland Cabdi Xirsi Cali oo la kulmay saraakiisha amaanka gobolka Bari
January 31, 2020 Wasiirka amniga Puntland ee baxsadka ah oo gaaray magaalada Kismaayo
Be the first to comment