Munaasabada xarig jarka oo lagu qabtay dhismaha cusub ee Wasaaradda Maaliyada ayaa waxaa kasoo qeybgalay masuuliyiinta sare ee dowadda oo uu hoggaaminayay Madaxweyne Cabdiweli Maxamed Cali iyo marti sharaf kale.
Wasiirka Wasaaradda Maaliyada Puntland Cabdullaahi Shiikh Axmed oo munaasabada ka hadlay ayaa sheegay in dhaqaalaha ku baxay dhismaha ay bixisay Wasaaradda aysana jirin cid kale oo gacan ka siisay.
Madaxweye Cabdiweli ayaa sheegay in uu aad ugu faraxsanyahay furitaanka iyo kasoo qaybgalka xafladda dhismaha cusub ee Wasaaradda Maaliyada Puntland, waxaana uu Madaxweynuhu ammaan iyo bogaadin usoo jeediyey cid walba oo ka qayb qaadatay hirgelinta dhismahani oo ay ugu horeyaan madaxda Wasaaraddu.
“Waxaan rabaa inaan ammaan iyo bogaadhin u soo jeediyo Wasaaradda Maaliyadda dhammaanteed, ku bogaadiyo dhismahan cusub iyo hoggaamiyaha wanaagsan ee mashruucani hoggaaminayey Wasiir Cabdulaahi Shiikh Axmed, runtii qofku wakhti yar ayuu joogayaa shaqaduna waa meerto,” ayuu yiri Madaxweynuhu
Wasaaradda Maaliyada Puntland ayaa ah wasaaradda ugu muhiimsan dowladda Puntland.
Related Posts
August 12, 2017 Wariye Cumar Dheere oo xabsiga laga sii daayay
October 2, 2018 Cumar Faroweyne oo loo magacaabay taliyaha ciidamada keydka Puntland
January 8, 2017 Somalia’s NISA forces thwarts motorbike bomb in Afgoye town
November 12, 2017 Puntland and Somaliland forces likely to fight in Sanaag region
