Muqdisho-(Puntland Mirror) Wasaarada haweenka dowlada federaalka Soomaaliya ayaa maanta ku qabatay magaalada Muqdisho kulan looga hadlayay qaabka ay haweenka Soomaaliyeed uga qaybgali lahaayeen hanaanka siyaasadeed ee doorashada dalka ka dhacaysa sanadkan 2016.
Kulanka ayaa waxaa kasoo qaybgalay wasiirka wasaarada haweenka Soomaaliya, xildhibaano iyo xubno ka socday ururada bulshada.
Wasiirada haweenka Sahro Maxamed Cali Samatar ayaa sheegtay in kulankan uu ahmiyad weyn u leeyaha bulshada gaar ahaan haweenka maadaaba uu ku saabsanyahay doorka haweenka ay ka qaadan karaan hanaanka doorasahada ee dalka.
Xildhibaan Qaali Axmed Diiriye, ayaa ku boorisay haweenka Soomaaliyeed in ay ka wada shaqeeyaan midnimada una dhaqaaqaan horumarka si ay kaalin muuqda ugu yeeshaan hanaanka doorashada dalka.
Haweenka Soomaalida oo ah laf-dhabarta bulshada ayaa xusul-duub ugu jira sidii ay kaalin weyn ugu yeelan lahaayeen doorashada dalka ka dhacaysa sanadkan, iyagoo doonaya in ay kuraas fiican ka helaan aqalka baarlamaanka ee dalka.
Related Posts
July 1, 2016 Nin Yuhuuda oo lagu dilay toogasho ka dhacday Daanta Galbeed
February 14, 2017 Diyaarad sida meydka madaxweynihii hore Puntland oo timid garoonka diyaaradaha Boosaaso
January 22, 2020 Raysulwasaaraha Soomaaliya oo kulan la yeeshay kaaliyaha xoghayaha arrimaha dibadda Mareykanka ee arrimaha Afrika
January 5, 2017 Ciidamada badda Puntand oo gacanta ku dhigay afar doonyood oo kalluumaysi sharci daro ah
