Boosaaso-(Puntland Mirror) Ugu yaraan todobo qof ayaa ku geeriyooday weerar ay maleeshiyada Al-Shabaab ku qaadeen kantaroolka magaalada Boosaaso xalay fiidkii, sida ay sheegeen saraakiisha ammaanka iyo ilo-wareedyo dhanka ammaanka ah.
Maleeshiyada Al-Shabaab ayaa sidoo kale jidka u galay ciidamo katirsan Puntland kuwaasoo doonayay in ay u gurmadaan ciidanka ku sugnaa kantaroolka ee la weeraray, sida ay ilo-wareedyadu sheegeen.
Dadka geeriyooday ayaa ahaa saddex askari iyo afar qof oo shacab ah, ilo-wareedyo katirsan isbitaalka guud ee Boosaaso ayaa u sheegay warsidaha Puntland Mirror.
In ka badan 10 qof oo kale ayaa ku dhaawacmay weerarka xalay.
Maleeshiyada Al-Shabaab ayaa bilihii u dambeeyay kor u qaaday weeraradeeda ka dhanka ah ciidanka Puntland gaar ahaan kuwa ku sugan gobolka Bari.
Maleeshiyada xagjirka ah iyo ciidanka dowladda Puntland ayaa ku dagaalamayay buuraha Galgala ee gobolka Bari tan iyo sanadkii 2010.
Related Posts
January 12, 2020 Madaxweynaha Puntland oo xilka ka qaaday guddoomiyaha maxkamada sare ee ciidamada
December 24, 2020 Madaxda Puntland iyo Galmudug oo ka wadahadlaya arrimaha doorashooyinka soo socda ee Soomaaliya
July 24, 2016 RW Soomaaliya oo ka tacsiyeeyay geerida Janaraal Cabdiraxmaan Caare
June 22, 2016 Puntland President jets off to Baidoa town in South Western Somalia
Be the first to comment