Muqdisho-(Puntland Mirror) Dhawaaqa labo qarax oo ay daba socdeen xabadaha qoryaha ayaa laga maqlay goor dhoweyd caasimada Soomaaliya ee Muqdisho.
Kooxda al-Shabaab ayaa sheegatay masuuliyada weerarka dhacay maanta oo Axad ah.
Ugu yaraan todobo qof oo ay kamidyihiin labo nin oo weerarka soo qaaday ayaa dhimatay, sida ay booliiska u sheegeen wakaalada wararka Reuters.
“Dagaalyahan ayaa isku qarxiyay xarunta CID kadibna dagaalyahano ayaa weerar ku qaaday gudaha xarunta. Hadda waxaanu ka dagaalamaynaa gudaha xarunta CID,” afhayeenka howlgalada militariga u qaabilsan al-Shabaab ayaa sidaa u sheegay Reuters.
Weerarka maanta oo Axad ah ayaa imaanaya wax ka yar hal asbuuc markii weerar ay kooxda al-Shabaab ku qaadeen xarunta ciidamada Midowga Afrika ee Muqdisho oo ku dhow garoonka diyaaradaha ee Aadan Cade, kaasoo ay ku dhinteen 13 qof, oo u badnaa ilaalada amaanka ee AMISOM iyo Qaramada Midoobay.
Related Posts
June 24, 2021 Ciidamada badda Puntland oo qabtay markab si sharci darro ah uga kalluumeysanayay biyaha Puntland
July 16, 2019 Wasiirka kalluumaysiga Puntland oo sheegay in dhulgariis cabirkiisu dhanyahay 4.5 uu ka dhacay Gacanka Cadmeed gaar ahaan meel u dhow magaalada Bareeda
October 7, 2019 Puntland uses biometric army registration for first time
September 13, 2016 Kenya President and Ethiopia PM arrive in Mogadishu for IGAD summit
