Qaraxa ayaa lagu xiray gaariga guddoomiyaha maxkamada darajada kowaad ee gobolka Bari, balse guddoomiyaha lama uusan socon gaariga, sida ilo-wareedyo katirsan haayadaha ammaanka ay u sheegeen bog wareedka Puntland.
Qof goobjooge ah ayaa Puntland Mirror u sheegay in uu arkay dhaawaca afar askari oo ilaalo ah iyo dad kale oo shacab ah.
“Waxaan ku sugnaa maxkamada gudaheeda markii qaadiyadu ay soo galeen albaabka ayaa qaraxu dhacay oo ahaa mid remote lagu kantaroolo, afar askari oo ilaalo ah ayaa ku dhaawacantay iyo dad kale oo shacab ah.” Sidaa waxaa yiri Cabdijaliil Siciid, oo ah qof goobjooge ah.
Dadkii ku dhaawacmay qaraxa ayaa loo qaaday isbitaalka Boosaaso, iyadoo dadka qaar kamid ah ay qabeen dhaawacyo halis ah.
Ma jirto cid sheegatay masuuliyada weerarkaas, balse xagjiriinta Al-Shabaab iyo ISIS ayaa qaraxyo iyo weeraro horey uga geystay magaalada Boosaaso, oo ah xarunta ganacsiga Puntland.
Related Posts
May 13, 2020 Mas labo caruur ah ku dilay gobolka Sanaag
March 15, 2019 Farmajihi loo hanwaynaa miyuu fashilmay
October 22, 2016 Michael Keating: Cod iibsashadu iyo laaluushka waa run
March 20, 2022 Madaxweynaha Puntland oo ku dhawaaqay in uu u taaganyahay madaxweynaha Soomaaliya
