Ugu yaraan lix qof ayaa lagu dilay markii niman qoryo wata ay rasaas huwiyeen labo gaari oo bas ah maanta oo Jimco ah deegaanka Mandheera ee xadka Kiinya iyo Soomaaliya, sida uu sheegay guddoomiyaha Mandheera.
Guddoomiyaha Mandheera Fredrick Shisia ayaa wakaalada wararka Reuters u sheegay in weerarka uu dhacay subaxnimadii hore iyadoo gawaarida baska ah ay u socdeen magaalada Mandheera kana yimaadeen caasimada, Nayroobi.
“Ilaa iyo hadda waxaanu maqalnay dhimashada lix qof,” ayuu yiri isagoo sheegay in weerarka uu ka dhacay wadada u dhaxaysa Wargaduud iyo Ceelwaaq.
Maraykanka ayaa Khamiistii uga digay muwaadiniintiisa in ay u safraan deegaanada u dhow xadka Kiinya ay la wadaagto Soomaaliya sababtoo ah khatar laga qabo maleeshiyada al-Shabab.
Maleeshiyada al-Shabaab ayaa sheegatay masuuliyada weerarkaas, sida uu Reuters u sheegay afhayeenka howlgalada militariga al-Shabaab u qaabilsan, Cabdicasiis Abu Muscab. Deegaanka Mandheera ayaa horey waxaa weeraro uga geystay maleeshiyada al-Shabaab kuwaasoo ay ku dileen dad badan oo saraakiisha amaanka iyo shacab isugu jira.
Related Posts
November 14, 2018 Askari katirsan ciidamada badda Puntland oo dilay labo askari oo saaxiibadiis ah
June 15, 2021 Ugu yaraan 15 qof oo ku dhimatay qarax ismiidaamin ah oo ka dhacay Muqdisho
June 25, 2019 Agaasimaha madaxtooyada DFS oo sheegay in aysan ka qaybgali doonin wadahadalo lala yeelan lahaa Somaliland
September 23, 2017 Puntland Maritime Forces capture boat loaded with weapons
