Laascaanood -(Puntland Mirror) Ugu yaraan labo qof ayaa ku dhimatay shan kalena waa ay ku dhaawacmeen dagaal beeleed ka dhacay magaalada Laascaanood ee gobolka Sool maanta oo Talaado ah, sida ay sheegeen dadka deegaanka.
Dagaalka ayaa ka bilaabmay gudaha magaalada subaxnimadii hore ee saakay, sida ay ku warameen dadka deegaanka.
“Dagaalka wuxuu qarxay subaxnimadii hore ee saakay wuxuuna sababay in la xiro dhamaan meheradihii ganacsiga,” qof dadka deegaanka ah ayaa sidaa u sheegay warsidaha Puntland Mirror.
Dagaalkan ayaa daba socda dagaal beeleedyo culus oo asbuucyadii lasoo dhaafay ka dhacay gobolka Sool, kaasoo ay ku dhinteen ugu yaraan 20 qof.
Laascaanood waa magaalo ay ku muransanyihiin dowladaha Somaliland iyo Puntland. Ciidamada Somaliland ayaa magaalada ka qabsaday Puntland bishii Oktoobar sanadkii 2007.
Related Posts
September 25, 2023 Caruurta Laascaanood oo wajahaysa khatarta rasaastii aan qarxin oo Somaliland ka tagtay
October 30, 2016 Maleeshiyada Al-Shabaab oo magaalada Goofgaduud ka qabsatay ciidamada dowlada Soomaaliya
October 1, 2018 Al-Sbabab car bomb targets EU convoy in Mogadishu
May 19, 2022 Muxuu Madaxweynaha cusub ee Soomaaliya diiradda saari doonaa 100 maalmood ee u horeeyay?
Be the first to comment