Maxamed Yacquub oo ah shaqaale gar-gaar oo la shaqeeya haayada gargaarka al-Manhal oo wada shaqayn la leh haayada Bisha Cas ee Turkiga ayaa warsidaha Puntland Mirror u sheegay in caawimaada loo qaybin doono meelaha sida Sool, Nugaal, Bari, Awdal iyo gobolka Banaadir ee Soomaaliya.
Turkiga ayaa sidoo kale soo gaarsiiyay caasimada Soomaaliya ee Muqdisho ugu yaraan 11,100 oo tan oo cuno ah si loogu qaybiyo kumanaan barokacayaal ah oo halkaas kunool.
Safaarada Turkiga ee Soomaaliya ayaa shalay oo Isniin ahayd Twitter-keeda rasmiga ah ku sheegtay in cunada gargaarka ah la gaarsiin doono dadka kunool, caasimada Muqdisho, Puntland iyo Somaliland.
Markabka sida kumanaanka tan oo caawimaada ah ayaa asbuucii hore soo gaaray Soomaaliya isaga oo ka yimid magaalo xeebeedka Turkiga ee Mersin.
Sida uu u sheegay warsidaha Puntland Mirror mid kamid ah ganacsatada Boosaaso oo diiday in magaciida la sheego, markabka caawimaada sida ayaa beryahaan ku xirnaa degada Boosaaso, isagoo sheegay in dhawaan la filayo in la dajiyo.
Caawimada Turkiga ayaa imaanaysa kadib markii Qaramada Midoobay ay sheegtay bishii hore in ka badan shan milyan oo qof oo ah 40 boqolkiiba dadka dalka, in aysan haysan cuno ay cunaan, iyadoo ay dalka ka jiraan abaaro ba’an.
Related Posts
January 23, 2018 Raysulwasaaraha Soomaaliya oo gaaray Switzerland si uu uga qeybgalo shirka Madasha Dhaqaalaha Adduunka
November 28, 2017 Wefdi ka socda dalka Qatar oo yimid Muqdisho
August 30, 2017 Shir ay hoggaaminayso Wasaaradda Arrimaha Gudaha ee Dowladda Federaalka Soomaaliya oo ka dhici doona gudaha magaalada Garoowe
September 13, 2018 Madaxweynaha Puntland oo Saynab Ugaas Yaasiin u magacaabay wasiir ku xigeenka maaliyada
Be the first to comment