Muqdisho-(Puntland Mirror) Qoraal kasoo baxay xafiiska madaxweynaha Soomaaliya Xasan Shiikh Maxamuud ayaa lagu sheegay in Madaxweynaha uu aqbalay xil ka qaadis uu raysulwasaaraha Soomaaliya ku sameeyay labo xubnood oo kamid ahaa golaha wasiirada dowlada federaalka Soomaaliya.
RW Soomaaliya Cumar Cabdirashiid Cali Sharmaake ayaa xilalkii ka qaaday wasiiradii waxbarashada Khadro Bashiir Cali iyo wasiiradii caafimaadka Xaawo Xasan Maxamed.
RW Sharmaake ayaa u magacaabay Cabduqaadir Cabdi Xaashi wasiirka cusub ee waxbarashada, sidoo kale Maxamed Xaaji Cabdinuur ayaa RW u magacaabay wasiirka cusub ee caafimaadka.
Xilka qaadistan ayaa imaanaysa iyadoo haweenka Soomaalida ay xusul duub ugu jiraan sidii ay kaalin weyn ugu yeelan lahaayeen siyaasada dalka xilli ay soo fool leeyihiin doorashooyin.
Related Posts
March 5, 2017 Hal qof oo haraad dartiis ugu geeriyooday gudaha gobolka Nugaal
October 6, 2016 Haweenka Soomaaliyeed oo difaacay qoondada laga siiyay baarlamaanka
July 19, 2018 Baarlamaanka Puntland oo kala diray Haayada Shaqaalaha Rayidka ah ee Puntland
January 21, 2019 1.08 bilyan oo doolar ayaa loo baahanyahay si kaalmo bini’aadamnimo loola gaaro 3.4 milyan oo Soomaali ah – War Saxaafadeed
