Muqdisho-(Puntland Mirror) Raysulwasaaraha dowlada federaalka Soomaaliya Cumar Cabdirashiid Cali Sharmaake oo shir saxaafadeed ku qabtay maanta oo Isniin ah magaalada Muqdisho ayaa sheegay inuu u sharaxanyahay madaxweynaha Soomaaliya.
“Waxaan go’aansaday in aan isku sharaxao madaxweynaha Soomaaliya doorashooyinka dhacaya bisha Oktoobar ee sanadka 2016,” sidaa ayuu Sharmaake ku yiri saxaafada.
Sharmaake ayaa sheegay inuu shaqooyin badan oo dalka qabyo ka ah uu qabanayo haddii uu ku guulasyto xilka madaxweynaha Soomaaliya.
Raysulwasaaraha ayaa ka codsaday shacabka Soomaaliyeed in ay taageeraan murashaxnimadiisa.
Cumar Cabdiradhiid oo ah wiil uu dhalay madaxweynihii hore ee Soomaaliya Cabdirashiid Cali Sharmaake ayaa hadda ah raysulwasaaraha Soomaaliya, isagoo muddo labo jeer ah noqday raysulwasaare.
Related Posts
October 7, 2016 Ugu yaraan 8 qof oo lagu dilay dagaal u dhaxeeya Puntland iyo Galmudug oo ka dhacay Gaalkacyo
December 31, 2016 Madaxweynaha Burundi oo ku hanjabay in uu ciidamadiisa kala baxayo gudaha Soomaaliya haddaan mushahaar la siin bisha Janaayo
October 3, 2018 Puntland President travels to Kenya
August 29, 2018 Xildhibaan hore ee Puntland oo loo doortay duqa magaalada Garoowe
