Nayroobi-(Puntland Mirror) Raysulwasaare ku-xigeenka dowlada federaalka Soomaaliya Maxamed Cumar Carte (Qaalib) ayaa magaalada Nayroobi ee caasimada dalka Kiinya kula kulmay maanta oo Arbaco ah safiirka Maraykanka u qaabilsan Soomaaliya, Donland Y. Yamamoto, sida ay ku warantay wakaalada wararka dowlada Soomaaliya ee SONNA.
Labada masuul ayaa kulankooda diirada ku saaray dhowr arrimood oo ay kamidyihiin xoojinta xiriirka labada dal u dhaxeeya, kordhinta taageerada Maraykanka uu siiyo Soomaaliya, ka qayb qaadashada dib u uruurinta ciidamada qaranka Soomaaliya si loo dhiso hal ciidan oo uu qaranka leeyahay, guulaha siyaasadeed iyo caqabadaha taagan.
Raysulwasaare ku-xigeenka ayaa uga mahadceshay dowlada Maraykanka taageerda joogtada ah oo ay siiyaan dowlada Soomaaliya iyo shacabkeeda.
Safiirka Maraykanka u qaabilsan Soomaaliya ayaa isna dhinaciisa carabka ku adkeeyay in dowladiisa ay sii wadi doonto taageerida Soomaaliya ilaa uu dalka cagihiisa dib ugu istaago.
Ugu dambayna kulanka u dhaxeeyay labada dhinac ayaa ku dhamaaday is-afgarad iyo jawi saaxiibtinimo leh.
Related Posts
September 24, 2016 Shirkada baabuurta militariga samaysa Oshkosh ee Maraykanka oo baabuur dagaal ka iibinaysa dalalka Ciraaq iyo Soomaaliya
November 17, 2018 Madaxweynaha Puntland oo Yaasiin Cabdisamad u magacaabay duqa kumeelgaarka ee Gaalkacyo kadib markii uu kala diray golihii deegaanka
February 26, 2019 Mareykanka oo sheegay in 35 dagaalyahan oo Al-Shabaab ah ay ku dileen gobolka Hiiraan
June 8, 2016 Madaxweynaha Puntland oo Boosaaso dib ugu soo noqday
Be the first to comment