Nayroobi-(Puntland Mirror) Raysulwasaare ku-xigeenka dowlada federaalka Soomaaliya Maxamed Cumar Carte (Qaalib) ayaa magaalada Nayroobi ee caasimada dalka Kiinya kula kulmay maanta oo Arbaco ah safiirka Maraykanka u qaabilsan Soomaaliya, Donland Y. Yamamoto, sida ay ku warantay wakaalada wararka dowlada Soomaaliya ee SONNA.
Labada masuul ayaa kulankooda diirada ku saaray dhowr arrimood oo ay kamidyihiin xoojinta xiriirka labada dal u dhaxeeya, kordhinta taageerada Maraykanka uu siiyo Soomaaliya, ka qayb qaadashada dib u uruurinta ciidamada qaranka Soomaaliya si loo dhiso hal ciidan oo uu qaranka leeyahay, guulaha siyaasadeed iyo caqabadaha taagan.
Raysulwasaare ku-xigeenka ayaa uga mahadceshay dowlada Maraykanka taageerda joogtada ah oo ay siiyaan dowlada Soomaaliya iyo shacabkeeda.
Safiirka Maraykanka u qaabilsan Soomaaliya ayaa isna dhinaciisa carabka ku adkeeyay in dowladiisa ay sii wadi doonto taageerida Soomaaliya ilaa uu dalka cagihiisa dib ugu istaago.
Ugu dambayna kulanka u dhaxeeyay labada dhinac ayaa ku dhamaaday is-afgarad iyo jawi saaxiibtinimo leh.
Related Posts
September 23, 2016 Burcada Internetka oo xog ka xaday 500 milyan oo isticmaalayaasha Yahoo ah
February 10, 2019 Baarlamaanka Puntland oo meelmariyay in si guud loo ansixiyo golaha cusub ee wasiiradda
July 12, 2016 Wefdi ka socda IGAD oo gaaray Beledweyne
June 8, 2018 Golaha Ammaanka ee Qaramada Midoobay oo soo jeediyay in la joojiyo dagaalka Tukaraq
Be the first to comment