Muqdisho-(Puntland Mirror) Raysulwasaaraha dowlada federaalka Soomaaliya Cumar Cabdirashiid Cali Sharmaake ayaa tacsi u diray qoyskii, qaraabadii, asxaabtii iyo shacabka Soomaaliyeed ee uu ka geeriyooday S/Guud Maxamed Cali Samatar oo ku geeriyooday dalka Maraykanka.
RW wuxuu ku sifeeyay S/guud Cali Samatar nin ku suntanaa Waddaniyadda Soomaaliyeed, kana mid ahaa hoggaamiyaashii iyo saraakiishii doorka weyn ka qaatay dhismaha Ciidanka Soomaaliyeed.
“Qof kasta waa uu dhimanayaa, geeriduna waa xaq, anigoo ku hadlaya magacayga kan Xukuumadda iyo guud ahaan shacabka Soomaaliyeed waxaan Allah uga baryeynaa in uu naxariistiisa ka waraabiyo Marxuum Maxamed Cali Samatar oo xilal kala duwan ka soo qabtay dawladihii hore ee dalka soo maray isla markaana qeyb libaax kasoo qaatay dhismaha iyo qalabeynta ciidanka Xoogga dalka .” sidaa ayuu bayaan ku yiri RW Soomaaliya Cumar Cabdirashiid.
Maxamed Cali Samatar oo xilal badan kasoo qabtay dowladii kacaanka ahayd ee Madaxweyne Maxamed Siyaad Bare ayaa ku geeriyooday xalay oo Sabti ahayd gobolka Virginia ee dalka Maraykanka, sida ay xaqiijiyeen qoyskiisa.
Janaraal Samatar ayaa dalka kasoo noqdey Madaxweyne Ku-Xigeenka 1-aad, Raysulwasaare, iyo Wasiirka Gaashaandhiga xilligii dowladii kacaanka.
Related Posts
November 28, 2016 Puntland preparing to retake Qandala coastal town from ISIS
August 13, 2018 Wefdi ka socda Eriteeriya oo yimid Muqdisho si ay kor ugu qaadaan xiriirka labo-geesoodka ah
January 1, 2018 Somali Interior Minister to visit Beled Hawo amid tension over Kenya’s building wall
November 9, 2017 Golaha wasiiradda Puntland oo Somaliland uga digay in ay sanaadiiqda doorashada geeyaan gobolada Sool, Cayn, Sanaag iyo Hayland
Be the first to comment