Waraaqaha oo loo diray hoggaamiyaasha Galmudug, Puntland iyo Jubbaland, ayaa Michael Keating ku xusay in Beesha Caalamka ay walaac ka qabto murashaxiin kuwaasoo ka qaybgalay dagaaladii sokeeye ee Soomaaliya, waxayna ka codsadeen hoggaamiyaasha maamul goboleedyada in ay ka saaraan liiska murashaxiinta.
Sida lagu sheegay waraaqaha, murashaxiinta la sheegay ayaa waxa ay kala yihiin; Cabdi Xasan Cawaale “Qaybdiid, Janaraal Maxamed Xirsi “Moorgan” iyo Axmed Xaashi Maxamed, kuwaasoo ah murashaxiin u tartamaya si ay Galmudug, Puntland iyo Jubbland ugu matalaan aqalka sare ee federaalka Soomaaliya.
Walaacan ayaa imaanaya, iyadoo shalay oo Sabti ahayd maamulka Galmudug uu Cadaado ku qabtay doorashada xubnaha aqalka sare waxaana kamid ahaa Cabdi Qaybdiid oo lagu ansixiyay doorashada. Dhanka kale murashaxiinta Puntland iyo Jubbaland ayaan wali hortagin baarlamaanka maamuladaas.
Si kastoo ay ahaataba, saraakiisha Galmudug, Puntland iyo Jubbaland wali kama aysan hadlin bayaanka kasoo baxay xafiiska Qaramada Midoobay ee Soomaaliya ee lagu codsaday in saddexdaas murashax looga saaro liiska.
Related Posts
December 30, 2016 Madaxweyne Putin oo kasoo horjeestay in dalka Ruushka laga ceyriyo diblomaasiyiin Mareykan ah
March 21, 2019 Ciidamada Puntland iyo Somaliland oo isku-dhac ku dhexmari karo gobolka Sanaag
January 11, 2017 Somali parliament re-elected Jawari as speaker
August 7, 2019 Diyaarinta Qorshaha Horumarinta 4-aad ee Puntland oo ka furmay Garoowe
