Wasiirka Kalluumaysiga iyo Khayraadka Badda Puntland Faarax Cawaash Beeldaaje ayaa sheegay in dowladdu go’aankaas u qaadatay si looga hortago cudurka Coronavirus.
“Si aan uga hortagno cudurka dilaaga ah ee Coronavirus, waxaan joojinay dhamaan doonyaha Kalluumaysiga ee dibada ka imanaya inay soo galaan Biyaha Bada Puntland laga bilaabo LaasQoray ilaa Galhagoog mudo bil ah oo ka bilaabanaysa 8da Maarso 2020.” Wasiirka ayaa sidaas ku yiri qoraal uu soo dhiggay boggiisa Facebook.
Cudurka Coronavirus oo ka bilaabmay magaalada Wuhan ee dalka Shiinaha ayaa si weyn ugu faafay caalamka. Ku dhawaad 3,000 qof ayaa u dhintay xanuunka adduunka oo dhan, iyadoo 93,000 kiis laga xaqiijiyay tobonaan dal oo adduunka ah, sida ay sheegtay haayada caafimaadka adduunka ee WHO.
Iran oo kamid ah dalalka doonyahooda kallumeysigu ay ku lug leeyihiin xeebaha Soomaaliya, ayaa kamid ah dalalka uu saameeyay cudurka, waxaana u dhimatay ku dhawaad 80 qof halka 3,500 qof oo kalena uu soo ritay.
Related Posts
October 13, 2016 At least two Al-Shabab militants kill theirself while planting bomb
December 24, 2017 Madaxweynihii hore ee Puntland oo dad weynaha Puntland ugu baaqay in ay taageeraan mashaariicda horumarineed ee ka socda gudaha gobolada
January 26, 2017 Death toll from Dayah hotel attack in Mogadishu rises to 28
April 21, 2022 Madaxweyne ku xigeenka Puntland oo si kumeelgaar ah ula wareegay awooda Puntland
