Shir saxaafadeed uu Garoowe ku qabtay Wasiirka Amniga Puntland Axmed Cabdullahi Yuusuf “Dowlad” ayaa yiri: “Dowladda Puntland waxay u sheegaysaa shacabka Puntland ummada Soomaaliyeed iyo beesha caalamka in xalay oo bishu ahayd 2-da June 2018, saqdii dhexe in ay argagixisada caalamiga ah ee Al-Shabaab iyo maleeshiyaadaka Hargeysa oo ay hoggaaminayaan saraakiil katirsan maleeshiyaadka Hargeysa saraakiishaas oo uu kamidyahay Maxamed Cabdullaahi Bataal kana tirsan guutada sideedaad ee maamulka Hargeysa una dhashay beesha Isaaq Habarjeclo, isla markaana degan magaalada Ceerigaabo ay weerar ku soo qaadeen saldhiga Bali-Khadar ee Puntland halkaasna ay kala kulmeen jab xoogan dhimasho badana ay kasoo gaartay ciidanka Puntland waxaa soo gaaray khasaare kooban si geesinimo lehna ayay isaga difaaceen,”
“Waxaan sidoo kale u xaqiijineynaa ummada Soomaaliyeed iyo beesha caalamka in maamulka Hargeysa iyo argagixisada caalamiga ah ay isku milmeen kana mideysanyihiin waxyeelaynta iyo deganaansho la’aanta ummada Soomaaliyeed dhammaanteed.” Ayuu kusii daray.
Ugu yaraan shan askari oo katirsan Puntland ayaa ku dhimatay weerarka Bali-khadar, sida aanu kasoo xiganay ilo-wareed milatari.
Related Posts
October 11, 2016 Ethiopia troops pull out of Somalia towns
June 29, 2020 Baarlamaanka Puntland oo dowladda ugu baaqay in aysan ka qeybgalin shirka Muqdisho
April 12, 2019 Koox looga shaki qabo Al-Shabaab oo labo dhakhtar oo u dhashay Cuba ku afduubatay deegaanka Mandheera
May 2, 2018 Shiikh sheegay in dhaqaale uruurin ay ka bilaabmi doonto Puntland si loo caawiyo dadka ku waxyeeloobay fatahaada Beled Weyne
