Taliska Mareykanka ee Afrika (AFRICOM) ayaa sheegay in uusan sax ahayn warka sheegaya in maleeshiyada Al-Shabaab ay askari Mareykan ah ku dileen duleedka magaalada Kismaayo.
“Waanu helnay wararkaas, balse waa been. Ma jiro askari Mareykan ah oo lagu dilay ama lagu dhaawacay gudaha Soomaaliya,” Afhayeenka Africom Samantha Reho ayaa sidaa u sheegay wakaalada wararka Shiinaha ee Xinhua.
Talaadadii, idaacada maleeshiyada Al-Shabaab ayaa tebisay in askari Mareykan ah lagu dilay dagaal ka dhacay duleedka Kismaayo subaxnimadii hore ee Talaadada.
Ku dhawaad 500 askari oo Mareykan ah ayaa ku sugan Soomaaliya kuwaasoo tababarka iyo la talinta gacan ka siinaya ciidamada Howlgalka Midowga Africa (AMISOM) iyo ciidamada dowladda federaalka Soomaaliya.
Related Posts
November 5, 2016 Al-Shabab still a threat in Somalia: UN report
December 30, 2017 Dowladda Soomaaliya oo ugu yaraan 40 askari u xirtay weerarkii guriga Cabdi Qeybdiid
March 15, 2018 Puntland oo martigelin doonta shir u dhaxeeya dowlad goboleedyada Soomaaliya
October 13, 2016 Puntland and Galmudug exchange mortar fire
Be the first to comment