Maxkamada ciidamada Dowladda Soomaaliya oo dil toogasho ah ku fulisay xubin katirsan Al-Shabaab

Cabdulqaadir Abuukar Shaacir xilligii maxkamada la saarayay. [Screenshot]

Muqdisho-(Puntland Mirror) Maxkamada ciidamada Dowladda Federaalka Soomaaliya ayaa saakay oo Isniin ah dil toogasho ah ku fulisay Cabdulqaadir Abuukar Shaacir oo katirsanaa maleeshiyada Al-Shabaab, sida ay sheegeen saraakiisha maxkamada,

Shaacir ayaa lagu helay in uu abaabulay qaraxyo dhowr ah oo ka dhacay gudaha Muqdisho bilihii dhawaa ee lasoo dhaafay, kuwaasoo ay ku dhinteen tobonaan dad rayid ah.

Saraakiisha ayaa sheegay in Shaacir la qabtay bishii May ee sanadkan xilli uu gaari ay qaraxyo saaranyihiin dhigayay degmada Xamarweyne ee gudaha Muqdisho.