Dacwada musuqa ayaa loo heystaa Agaasimihii waaxda dib-u-dejinta ee Wasaaradda Gargaarka iyo Maareynta Musiibooyinka, Daahir Maxamed Nuur, iyo Maxamed Cumar Macalin oo ahaa Xoghayaha Joogatada ah ee Wasaaradda Gargaarka iyo Maareynta Musiibooyinka.
Agaasimaha waaxda dib-u-dejinta, Daahir Maxamed Nuur, ayaa loo heystaa in uu xaday lacag dhan $84,000 dollar, waxaana la xiray bishii lasoo dhaafay ee Luulyo, halka Xoghayaha Joogatada ah isna loo hesyto musuq balse isaga uu maqanyahay weli.
Waxay noqon markii ugu horeysay muddo 30-sanno ku dhow oo maxkamad kutaala Soomaaliya ay dhageysato masuuliyiin lagu soo eedeeyay masuq.
Guddoomiyaha Maxkamadda Gobolka Banaadir Garyaqaan Muuse Macallim Maxamed ayaa balamiyay dhagaysiga dacwada maalinta Khamiista ee soo socata, markaas oo la filayo in la gaaro xukunka ka dambeysta ah.
Dowladda hadda jirta ee Madaxweyne Maxamed Cabdullaahi Farmaajo ayaa xilligii ololaha balanqaaday in ay la dagaalami doonto musuqmaasuqa, oo Soomaaliya sanadihii u dambeeyay geliyay wadanka kowaad ee adduunka, sida lagu sheegay qiimeyn sanadeedka haayada Transparency International.
Related Posts
April 20, 2017 Abu Dhabi Fund for Development to contribute $89m to Somalia
September 13, 2016 IGAD heads of state summit concluded in Mogadishu
October 25, 2018 Shirkii madasha maamul goboleedyada Soomaaliya oo la soo gabagabeeyay –War-murtiyeed
July 8, 2019 Madaxweynaha Puntland oo xilka ka qaaday agaasimihii wasaaradda maaliyada ee muddada dheer joogay xafiiska
