Garoowe-(Puntland Mirror) Howlgalo lagu sugayo amaanka caasimada Puntland, Garoowe, ayaa maalintii labaad ka socda magaalada, sida ay sheegeen saraakiisha.
Duqa degmada Garoowe Xasan Maxamed Ciise (Goodir) ayaa sheegay ujeedada howlgalka loo fulinayo inuu yahay sidii kor loogu qaadi lahaa amaanka caasimada Garoowe, duqa ayaa sheegay in howlgalka ay ka qaybqaadan doonaan ciidamo isku-dhaf ah oo katirsan ciidamada dowlada, Xasan Goodir ayaa sheegay in aysan mar dambe jiri doonin askari aan howlgal ku jirin oo magaalada ku dhex sida qori.
Dhanka kale, Guddoomiyaha gobolka Nugaal, Cumar Cabdulaahi Faroweyne ayaa sheegay in ciidamada ay sugi doonaan amaanka guud ee magaalada Garoowe, isagoo intaas ku daray in magaalada ay u diyaar garoobi doonto martigelinta shirar waaweyn oo uu kamid yahay soo xulista xildhibaanada aqalka sare ee Puntland u matali doona dowlada federaalka Soomaaliya.
Howlgalka oo ay ka qaybqaadanayaan boqolaal ciidamo ah ayaa shalay subax oo Arbaco ahayd ka bilaabmay magaalada Garoowe.
Garoowe ayaa lagu tiriyaa magaalooyinka Puntland iyo guud ahaan Soomaaliya ugu amaanka fiican.
Related Posts
May 19, 2019 Madaxweynaha Puntland oo safarkiisii ugu horeeyay ku tagay Gaalkacyo tan iyo markii uu xafiiska qabtay
August 31, 2018 Madaxweynaha Soomaaliya oo wadahadalo la yeeshay dhiggiisa Shiinaha
June 7, 2017 Somali female MP survives roadside bomb attack in Mogadishu
June 12, 2016 Dad gaaraya 20 qof oo ku dhimatay toogasho ka dhacday baar lagu caweeyo oo ku yaala Maraykanka
