Garoowe-(Puntland Mirror) Raysulwasaarihii hore ee Soomaaliya Cumar Cabdirashiid iyo madaxweynihii hore ee Puntland Cabdiweli Maxamed Cali oo waday dedaalo lagu xalinayo khilaafka siyaasadeed ee ka jira Puntland ee ku saabsan doorashooyinka soo socda ee baarlamaanka iyo madaxweynaha, ayaa soo saaray war-saxaafadeed maanta oo Talaado ah.
War-saxaafadeedka ayay ku soo jeediyeen tallooyin ay ugu horeyso in la dhowro dowladnimada Puntland, lagana wada qeybqaato ilaalinta xasiloonida iyo nabadgelyada.
Waxa kale oo ay soo jeediyeen in la badbaadiyo barnaamijka dimuqraadiyada Puntland. Iyo in lagu heshiiyo lifaaq shannaad oo dhammaystira barnaamijka dimuqraadiyada Puntland iyadoo aan dib loogu noqon nidaamka beelaha.
Siyaasiyiinta ayaa sheegay in la joojiyo furista dastuurka si wax ka bedel loogu sameeyo. Iyo in doorashada madaxweynaha ku dhacdo xilligeeda ahaa 8-da Janaayo 2024.
Waxay sidoo kale soo jeediyeen sagaalka urur siyaasadeed ee diiwaangashan ay noqdaan xisbiyo siyaasadeed ee Puntland muddo shan sanno ah kana qeybgalaan doorashada golaha wakiilada ee soo socota.
Ugu damabayn, waxay ku taliyeen in doorashada xildhibaanada gobolada Sool, Sanaag iyo Cayn looga dambeeyo hoggaanka dhaqanka ee goboladaas.
Related Posts
October 3, 2018 Puntland President travels to Kenya
January 22, 2017 Puntland sends forces to Galdogob district to shield court hearing Galdogob rape case
November 22, 2018 Business center accountant shot dead in Bosaso
December 24, 2017 At least 15 killed in clan clashes on the border between Nugaal and Sool regions
Be the first to comment