Maleeshiyada ayaa magaalada la wareegtay subaxnimadii hore ee Sabtida kadib markii ay ciidaamada Puntland isaga baxeen maalin kahor.
Lama oga sababta dhabta ah ee keentay ka bixitaanka ciidamada Puntland, balse ilo-wareedyo dhanka ammaanka katirsan ayaa warbaahinta u sheegay in ay tahay xeelad ciidan. Sidoo kale waxaa soo baxaya warar sheegaya in ka bixitaanka ay keentay tabasho mushahaar la’aan ciidamada ah.
Masuuliyiinta sare ee dowladda Puntland weli si rasmi ah ugama aysan hadlin qabsashada Al-Shabaab ee Af Urur.
Muxuu yahay deegaanka Af Urur?
Deegaanka Af Urur waxa uu kuyaala buuraleyda gobolka Bari, waa tuulo yar taasoo qiyaastii dhanka koonfur-galbeed kaga beegan magaalada Boosaaso, ee xarunta ganacsiga Puntland.
Magaca ay Af Urur waxa aad loo bartay sanadkii 2017-kii markii maleeshiyaad katirsan Al-Shabaab ay weerar ku qaadeen saldhig ciidamada Daraawiishta Puntland ku lahaayeen halkaas, kuna dileen qiyaastii 30 askari, sidoo kalena ku gubeen gaadiid dagaal ayna bililiqaysteen hubkii iyo saanadii ciidamada.
Markale bartamihii sanadkii 2018-kii Al-Shabaab ayaa la wareegtay Af Urur kadib markii ay ka baxeen ciidamada Puntland iyada oo xilligaas Puntland culeys dagaal uu ka heystay deegaanka Tukaraq ee gobolka Sool halkaas oo ay ku dagaalamayeen ciidamada maamulka Somaliland.
Related Posts
January 14, 2018 Wiil uu dhalay Faysal Cali Waraabe oo lagu dilay duqeyn Mareykanku uu ka geystay dalka Suuriya
June 23, 2016 Doorashada afti ka qaadida Britain ee kamid ahaanshaha Midowga Yurub oo bilaabmatay
October 29, 2016 More than 400 of Qandala residents flee their homes in fear of clashes
December 21, 2019 Abwaanka ruugcadaaga ah ee Soomaaliyeed Cabdulqaadir Cabdi Shube oo loo magacaabay agaasimaha tiyaatarka qaranka
