“Sida uu tilmaamayo Qodobka 43aad ee Dastuurka Jamhuuriyadda Federaalka Soomaaliya dhulku waa khayraadka koowaad iyo saldhigga nolosha dadka. Ilaa inta laga soo saarayo habraacyada sharci ee waafaqsan Qodobka 43aad ee Dastuurka, dhulka dowladda lama hibeyn karo, bixin karo, lamana wareejin karo.” Ayuu yiri Madaxweynuhu.
“Iyada oo la ilaalinayo hantida qaranka ee dhul, cir iyo bad waxaan u sheegayaa shacabka Soomaaliyeed in wixii dhul ah ee la iibiyay ama la hibeeyay ama la kireeyay keddib 8-dii Febraayo, 2017 uusan haysan ogolaansho sharci ah. Haddii uu jiro muwaadiniin iibsaday ama kireystay dhul danta guud, waxaan u sheegayaa in iibsigaas uu yahay mid sharci darro ah.”
“Markii la I doortay, waxaan ballan qaaday inaan ilaalinayo ammaanada la ii dhiibay, dhulka dowladdana wuxuu kamid yahay ammaanadaas. Waxaan u xaqiijinayaa shacabka Soomaaliyeed in guddi heer qaran ah aan u saari doono arrimaha la xiriira dhulka si baaritaan dhab ah loogu sameeyo, loona hubiyo inaan dhul dan guud loo adeegsan dan shakhsiyadeed.” Ayuu ku sii daray Farmaajo.
Madaxweyne Farmaajo ayaa faray dhammaan hay’adaha ay khuseyso arrintan inaan la bixin karin dhul dowladeed oo aan kusoo bixin wareegto Madaxweyne, lana soo marin habraac waafaqsan shuruucda u yaalla dalka.
Related Posts
November 19, 2018 Madaxweyne Farmaajo oo u safray dalka Talyaaniga
February 1, 2017 RW Sharmaake: Waxaan ka codsanayaa dowladdaha deriska in ay faraha kala baxaan arrimaha doorashada Soomaaliya
March 23, 2018 Dalladda bulshada rayidka ah ee PUNSAA iyo xafiiska difaacaha xaquuqda aadanaha ee Puntland oo dhaleeceeyay xaalada daryeelka xabsiyada Puntland
August 25, 2016 Madaxweynaha dowlada Puntland oo la kulmay raysulwasaare ku xigeenka dalka Turkiga
