Isaga oo ka hadlayay shir jaaraaid magaalada Boosaaso galabta oo Jimce ah, Madaxweynaha ayaa yiri: “Waxaa nasiibdaro ah xukuumada hadda jirta ee Madaxweyne Maxamed Cabdullaahi Farmaajo uu hoggaaminayo in ay la soo baxday saddex sanno oo ay jirtay in ay isku dayday in ay ka leexato dariiqii dadkan ku heshiiyay oo ay ugu horeyso in ay la dagaalanto nidaamka federaalaynta ah ee dalka oo ay dhammaan qawaaniintii iyo waxyaabihii u baahnaa in laga wadatashado ay hareer martay.”
Madaxweynaha ayaa ugu yeeray xildhibaanada ka soo jeeda Puntland ee katirsan Dowladda Federaalka Soomaaliya in ay ka soo qeybgalaan shir wadatashi oo ka dhici doona Garoowe 15-ka bisha soo socota ee Maarso.
Xiriirka u dhaxeeya Puntland iyo xukuumada Farmaajo ayaa xumaa tan iyo xiligii xukuumadii hore ee madaxweyne Cabdiweli Maxamed Cali. Dhawaan Puntland ayaa gabi ahaanba ka soo horjeesatay sharciyada shidaalka iyo doorashooyinka oo ay meelmariyeen baarlamaanka federaalka Soomaaliya.
Khamiistii, Puntland ayaa xirtay xafiiska Guddiga Doorashooyinka Dowladda Federaalka Soomaaliya ay ku lahaayeen Garoowe.
Related Posts
July 28, 2016 Jabhada Al Nusra ee Suuriya ka dagaalanta oo iclaamisay in ay ka go’een urur weynaha al-Qaacida
September 1, 2019 Dowlad goboleedka Jubbaland oo ku baaqday in wasiirkeeda amniga loo sii daayo si deg-deg ah
August 19, 2017 At least two killed in fighting between two local militants in Buuhoodle town
March 28, 2019 15 qof oo ku geeriyootay qarax gaari oo ka dhacay Muqdisho
