Nairobi-(Puntland Mirror) Madaxweynaha dowlada federaalka Soomaaliya Xasan Shiikh Maxamuud ayaa maanta oo Jimce ah gaaray magaalada Nairobi ee caasimada dalka Kenya si uu uga qaybgalo shir-weynaha Afrika iyo dalka Japan.
Shirka oo ay kasoo qaybgalayaan hoggaamiyaasha wadamada qaarada Afrika iyo madaxda dalka Japan ayaa beri oo Sabti ah ka furmaya magaalada Nairobi ee dalka Kenya isagoo socon doona muddo labo maalmood ah.
Shirka wadamada Afrika iyo dalka Japan ayaa soo bilaabmay sanadkii 1993-dii, shirkan oo ah kii lixaad ayaa markii ugu horeysay lagu qabanayaa gudaha qaarada Afrika iyadoo kuwii hore lagu qaban jiray caasimada dalka Japan ee Tokyo.
Japan ayaa ahaan jiray dalka ugu weyn ee xiriirka ganacsi la leh qaarada Afrika kahor inta uusan kala wareegin dalka Shiinaha.
Wadamada horumaray ayaa ku tartmaya xiriirka ganacsi ee qaarada khayraadka ka buuxo ee Afrika, wadanka Shiinaha ayaa hadda ah wadanka ugu weyn ee xiriirka ganacsi la leh qaarada Afrika.
Related Posts
May 22, 2017 Madaxweyne Ku Xigeenka Puntland oo sheegay in qaar katirsan Al-Shabaab loo wareejiyay Muqdisho ay baxsadeen
June 30, 2018 Xeer-ilaaliyaha Guud ee Puntland oo codsaday in la soo qabto xisaabiyihii Wasaaradda Maaliyada Puntland ee gobolka Mudug
July 18, 2017 Puntland lawmakers prepare motion against cabinet ministers
September 20, 2016 Maxkamada ciidamada qalabka sida ee dowlada Puntland oo xukuno ku riday 54 xubnood oo maxaabiis Al-Shabaab ah
