![Madaxweynaha dalka Mexico Enrique Pena Nieto . [Sawirka: Archive]](https://puntlandmirror.net/wp-content/uploads/2017/01/enrique-pe%C3%B1a-nieto.jpg)
“Waxaan ka xumahay haddana cambaareynayaa go’aanka Mareykanka ee ay ku rabaan dhismaha derbiga, waana mid na kala qeybinaya halka uu naga midayn lahaa,” Madaxweyne Enrique Pena Nieto ayaa fariintaas ka sheegay taleefishinka shalay oo Arbaco ahayd.
“Mexico ma aaminsana derbiyo. Waxaan sheegayaa mar labaad: Mexico fulin mayso wax derbi ah,” ayuu ku daray.
Qorshaha Trump ayaa sidoo kale waxaa si buuxda u cambaareeyay hoggaamiyaasha dalalka Latin Amerika.
Pena Nieto ayaa sidoo kale sheegay in uu faray 50 qunsiliyadood oo kuyaala gudaha Mareykana in ay la talin sharci u sameeyaan muhaajiriinta reer Mexico.
“Dadkayagu gelikood maahan. Dowladda Mexico waxay u fidinaysaa la talin sharci taasoo damaanad qaadaysa difaacida ay u baahanyihiin,” ayuu sheegay.
Shalay oo Arbaco ahayd, Trump ayaa saxiixay awaamiir lagu farayo dhismaha derbiga, laguna joojinayo dhammaan muhaajiriinta aaan sharciga haysan ee jooga gudaha magaalooyinka Mareykanka.
“Dal aan lahayn xuduud dal maahan… maanta laga bilaabo, Mareykanka waxay dib u la soo noqon doontaa xuduudooda.” Ayuu yiri Donald Trump.
Related Posts
July 29, 2017 Former Permanent Secretary of Somali Ministry of Interior hand over office to new secretary
July 1, 2016 Soomaaliya oo u dabaaldagaysa sanadguurada 56-aad ee madaxbanaanida dalka
May 8, 2017 Roadside bomb kills at least three Somali soldiers in Lower Shabelle region
January 11, 2018 Wasiirkii hore ee amniga Puntland oo uga digay Faroole in uu keligiis ku hadlo magaca siyaasiyiinta gobolka Nugaal
