Garoowe-(Puntland Mirror) Madaxweynaha dowlada Puntland Cabdiweli Maxamed Cali ayaa tacsi u diray qoyskii iyo qaraabadii ee uu ka geeriyooday Sareeye Guud Maxamed Cali Samatar oo ku geeriyooday dalka Maraykanka.
Madaxweynaha ayaa ku tilmaamay Maxamed Cali Samatar inuu ahaa shaqsi ku weyn ummada Soomaaliyeed isla markaana shaqo weyn oo waxtar leh ummada Soomaaliyeed u soo qabtay mudadii uu xilalka sare kasoo qabtay dalka.
“Inaa lilaahi waa innaa ilayhi raajicuun, waxaan uga tacsiyeynayaa guud ahaan ummada Soomaaliyeed gaar ahaan eheladii, qoyskii iyo qaraabadii uu ka geeriyooday marxuum Maxamed Cali Samatar oo ahaa shaqsi ku weyn ummada Soomaaliyeed, wax weyna u soo qabtay mudadii uu xilalka kala duwan u hayay ummada.” Sidaa ayuu bayaan ku yiri Madaxweyne Cabdiweli.
Maxamed Cali Samatar oo xilal badan kasoo qabtay dowladii kacaanka ahayd ee Madaxweyne Maxamed Siyaad Bare ayaa ku geeriyooday xalay oo Sabti ahayd gobolka Virginia ee dalka Maraykanka, sida ay xaqiijiyeen qoyskiisa.
Janaraal Samatar ayaa dalka kasoo noqdey Madaxweyne Ku-Xigeenka 1-aad, Raysulwasaare, iyo Wasiirka Gaashaandhiga xilligii dowladii kacaanka.
Related Posts
October 16, 2016 Qaramada Midoobay oo codsatay in saddex kamid ah murashaxiinta aqalka sare ee Soomaaliya laga saaro liiska
August 14, 2019 Five Somali soldiers killed in Al-Shabab attack against army base in Awdhigle
March 2, 2020 Subject: Invitation to Tender # pr/GRW/SOMALIA/2020/4 For Learning Material
July 23, 2016 Mohamed Yasin Ahmed elected Galkayo mayor
Be the first to comment