Muqdisho-(Puntland Mirror) Saraakiisha ku sugan Muqdisho ayaa sheegay in labo qof loo xiray qaraxii weynaa ee Sabtida ka dhacay Muqdisho kaasoo ay ku dhinteen dad ka badan 300 qof.
Sargaal katirsan nabadsugida baaraysa weerarka ayaa wakaalada wararka Associated Press u sheegay in nin si fiican loo yaqaan kaasoo damaanad qaaday gaariga kana dhaadhiciyay askarta in ay u ogolaadaan in u soo galo gudaha Muqdisho ayaa hadda xabsiga ku jira. Sargaalka la hadlay Associated Press ayaa magaciisa qariyay sababtoo ah looma ogola in warbaahinta lala hadlo.
Sargaalka ayaa sheegay in ninka naftiis haligaha ah ee waday gaariga weyn ee ku qarxay isgoyska Zoobe uu taageero ka helayay gaari kale oo yar kaasoo laga soo buuxshay walxaha qarxa oo marayay waddo kale balse waxaa lagu horjoogsaday bar-gantarool u dhow garoonka Muqdisho.
Ninkii waday gaariga yar ayaa isna hadda waxaa lagu hayaa xabsi, sida uu sheegay sargaalku.
Related Posts
August 1, 2016 Ugu yaraan shan qof oo ku dhimatay diyaarad Ruushka lahaa oo lagu soo riday gudaha Suuriya
October 9, 2019 Wefdi wasiiro ah oo ka socda dowladda federaalka iyo madaxweynaha Puntland oo kulan ku yeeshay Boosaaso
September 28, 2019 Dowladda federaalka Soomaaliya oo yaraysay xanibaada duulimaadyada ee ay saartay Kismaayo
June 2, 2018 PSF forces says 41 Al-Shabab fighters killed in operation in Al-Madow Mountains
