Muqdisho-(Puntland Mirror) Niman baastoolado ku hubaysan oo aan la aqoon ayaa toogasho ku dilay magaalada Muqdisho caawa oo Axad ah fiidkii sarkaal ciidamada militariga Soomaaliya katirsan oo la dhaho Kornayl Cabdulaahi Sabriye, sida ay sheegeen goobjoogayaasha.
Nimankii hubaysnaa ee dilka geystay ayaa ka cararay goobta uu dilka ka dhacay, sida ay goobjoogayaasha sheegeen.
Maalinimadii Axada, sarkaal sare oo katirsan ciidamada militariga dowlada Soomaaliya oo la oran jiray Maxamed Rooble Jimcaale loona yaqiin Goobaale iyo lix kamid ahaa ilaaladiisa ayaa lagu dilay Muqdisho kadib markii gaarigiisii lala beegsaday qarax gaari.
Kooxda hubaysan ee Al-Shabaab ayaa sheegtay in ay iyagu ka dambeeyeen qaraxa gaariga ee lagu dilay Goobaale.
Maleeshiyada Al-Shabaab ayaa laga saaray magaalada Muqdisho sanadkii 2011-kii, balse maleeshiyada ayaa wali wada weeraradeeda ku dhufoo ka dhaqaaqa ah oo ka dhanka ah dowlada Soomaaliya iyo bartilmaameedyada militari.
Related Posts
October 29, 2017 Somali cabinet fires police chief and intelligence director
September 2, 2016 Former marketer of Golis telecommunication company Omar Ise Mohamed dies in car accident
June 4, 2019 Gobolada Puntland oo laga ciiday
August 7, 2017 Puntland President appoints his new cabinet
Be the first to comment