Wargeyska Daily Nation ayaa sheegay in nimanka weerarka geystay ay dhakhaatiirta kala dageen gaari ay saarnaayeen kadib weerarka oo ka dhacay deegaanka Mandheera ee waqooyi-bari Kenya.
Taleefishinka KTN ayaa sheegay in booliisku ay uga shaki qabaan in dhakhaatiirtaas loo kaxaystay gudaha Soomaaliya, ayna ka dambeyso maleeshiyada Al-Shabaab.
Mandheera ayaa ahayd goob ay ka dhaceen weeraro joogto ah oo lagu dilay tobonaan dad shacab ah iyo ciidamada ammaanka, oo ay masuuliyada sheegatay Al-Shabaab.
Waa weerarkii labaad oo shan bilood gudahood ka dhaca Kenya oo ka dhan ah dad ajnabi ah. Bishii November 2018, niman hubeysan ayaa dhaawacay shan qof iyagoona deegaanka Chakama ku afduubtay haweenay ka shaqeysa gargaarka oo u dhalatay dalka Talyaaniga. Lamana oga halka lala aaday haweenaydaas oo la dhaho Silvia Romano.
Maleeshiyada Al-Shabaab ee fadhigeedu yahay Soomaaliya ayaa kordhisay weerarada gudaha Kenya tan iyo markii ciidamada Kenya ay soo galeen Soomaaliya sanadkii 2011.
Related Posts
June 6, 2017 Dagaalyahan katirsan Daacish oo isku dhiibay Puntland
November 24, 2018 Ciidamada PSF Puntland oo sheegay in ay fashiliyeen weerar Al-Shabaab gudaha buuraha Galgala
April 11, 2018 Dowladda federaalka Soomaaliya oo sheegtay in ay joojin doonto tababarka iyo mushahaarka uu Imaaraatka Carabta uu siiyo ciidamada Soomaaliya
December 31, 2016 Baarlamaanka cusub ee Soomaaliya oo kulan ku yeelan doona Muqdisho
