Isku-duwaha gobolka xeebta Nelson Marwa ayaa shalay oo Sabti ahayd sheegay in dowlada ay sii wadi doonto dhaqan-celinta kuwa kasoo noqonaya Al-Shabaab si aan wakhti lahayn.
Warsidaha Kenya kasoo baxa ee Capital FM oo soo xiganaya Marwa ayaa sheegay “Mid walba oo taabici ah waa in uu ogaadaa u yeerida uuna ka baxaa sababtoo ah lama dagaalami kartid dowlada. Taasaan kuu cadaynayaa. Kama waaban kartid dowlad sharci ah mana jirto wax ficil ah oo kaa dhan ah oo lagaa qaadi doono.”
Barnaamij hore oo cafis guud ahaa, kaasoo uu iclaamiyay wasiirka arrimaha gudaha Kenya Joseph Nkaissery bartamihii bishii Maarso 2015-kii, ayaa dhacay bartamihii bishii May ee 2015-kii.
Dhaqalan-celin hore oo ay Kenya samaysay, ayay ku ogaatay in intoodii badnaa dadkii soo laabtay ay sheegeen in ay shaqo la’aan darteed go’aansadeen in ay ku biiraan Al-Shabaab, taasoo u soo bandhigtay taageero dhaqaale.
Sida ay sheegtay wasaaradda arrimaha gudaha ee dalka Kenya, tan iyo bishii Maarso 2015-kii, in ka badan 1,000 dhalinyaro Al-Shabaab ah ayaa isku soo dhiibay saldhigyada kala duwan ee ciidamada booliiska Kenya ay ku leeyihiin dalka oo dhan.
Related Posts
May 7, 2019 Saddex dagaalyahan oo katirsan maleeshiyada Al-Shabaab oo lagu dilay duqeyn Mareykanku ka geystay Shabeellaha Hoose
July 10, 2018 Madaxweyne Farmaajo oo Xasan Shiikh kula kulmay Turkiga
August 24, 2017 Qatar oo sheegtay in ay soo celin doonto safiirkeedii u fadhiyay Iran
October 29, 2018 Xasan Maxamed Cabdullaahi oo loo magacaabay taliyaha booliiska gobolka Nugaal
Be the first to comment