Muqdisho-(Puntland Mirror) Haayada sirdoonka dowlada federaalka Soomaaliya ee NISA ayaa maanta oo Axad ah soo saartay fariimo digniin ah taasoo ay ku sheegayaan in qof aan NISA ahayn iyo ciidamada booliiska Soomaaliya oo amaanka magaalada sugaya aan loo ogolaan doonin in ay hub noocuu doono ha ahaadee aysan ku dhex qaadan Karin magaalada Muqdisho labada bari oo socda.
Fariintan ayaa si weyn u qusaysa shirkadaha amaanka kuwaasoo leh ciidamo amaan oo gaar ah.
NISA ayaa sheegtay cidii ka dhaga adaygta fariintan in ay la kulmi doonaan ganaax.
Fariintan ayaa waxaa si rasmiya u saxiixay Janaraal Cabdullaahi Gaafow oo ah taliyaha haayada sirdoonka dowlada federaalka Soomaaliya ee NISA.
Amarkan NISA kasoo baxay ayaa imaanaya iyadoo ay xiranyihiin inta badan wadooyinka waa weyn ee Muqdisho.
Muqdisho ayaa la filayaa in asbuucaan gudihiisa ay martigelin doonto shir-weynaha madaxda urur goboleedka IGAD.
Related Posts
September 17, 2016 Madaxweynaha Cabdiweli oo kormeeray shaqooyinka wasaaradaha iyo haayadaha dowliga ah ee Puntland iyadoo musuq-maasuq balaaran jiro
April 11, 2024 Abaar laga cabsi qabo Soomaaliya iyadoo xilli roobaadkii Guga uu daahay
July 21, 2016 Ciidamo huwan ah oo weerar ku qaaday saldhigyada al-Shabaab ee duleedka Kismaayo
January 19, 2019 Guddoomiyaha gobolka Bari oo sheegay in la fashiliyay qarax
