Guddoomiyihii hore ee baarlamaanka Puntland oo geeriyooday

Marxuum Cabdirashiid Maxamed Xirsi. [Sawir Hore]

Garoowe-(Puntland Mirror) Guddoomiyihii hore ee baarlamaanka Puntland Cabdirashiid Maxamed Xirsi ayaa saakay oo Sabti ah ku geeriyooday magaalada Garoowe, sida eheladiisa iyo ilo-wareedyo katirsan baarlamaanka ay u sheegeen bog wareedka Puntland Mirror.

Cabdirashiid ayaa maalmihii u dambeeyay xanuunsanayay, sida ilo-wareedyadu sheegeen.

Waxa uu soo noqday guddoomiyaha baarlamaanka Puntland intii u dhaxeysay 2009 ilaa 2013.

Sidoo kale Cabdirashiid ayaa soo qabtay wasiirka howlaha guud iyo gaadiidka iyo wasiirka kalluumeysiga iyo kheyraadka badda xilligii maamulkii Cabdiweli Maxamed Cali.