Donald Trump oo James Mattis oo loo yaqaan ‘Eyga Waalan’ u magacaabay xoghayaha difaaca Mareykanka

December 2, 2016 Abdirahman Abdullahi Sheikh World 0

**Donald Trump ayaa sheegay in magacaabida rasmiga ah ee Mattis ay imaan doonto Isniinta soo socota. [Sawirka: Reuters]**

Washington-(Puntland Mirror) Madaxweynaha la doortay ee Mareykanka Donald Trump ayaa sheegay in uu u magacaabi doono xoghayaha difaaca Janaraalka howlgabka ah ee ciidamada badda, James Mattis.

Mattis, oo loo yaqaan “Eyga Waalan” ayaa caan ku ahaa hadaladiisa adkaa, isagoo howlgab noqday 2013, waxaana uu kasoo shaqeeyay dalalka Ciraaq iyo Afkaanistaan.

“Waxaanu rabnaa in aan u magacowno Eyga Waalan, Mattis xoghayahayaga difaaca,” Trump ayaa sidaa yiri Khamiistii shalay mar uu ka qeybgalayay banaanbax lagu taageerayay guushiisa.

Madaxweynaha la doortay ayaa intaas ku daray in magacaabida rasmiga ah ee Mattis ay imaan doonto Isniinta soo socota.

Ganacsadaha siyaasiga noqday, Donald Trump, ayaa madaxweyne loo doortay 8-dii bishii lasoo dhaafay ee November, waxaana uu xilka si rasmi ah ula wareegi doonaa 20-ka bisha Janaayo ee sanadka soo socda 2017-ka.

December 7, 2019 Roobab ka da’aya deegaanada xeebaha Puntland
February 6, 2017 Al-Shabab killed four men accused of spying
June 29, 2017 Qarjab urges Puntland people to work together for peace
February 24, 2019 Xildhibaan katirsan baarlamaanka Dowladda Federaalka Soomaaliya oo lagu dilay Muqdisho

About Abdirahman Abdullahi Sheikh 241 Articles

Senior foreign news editor at Puntland Mirror. Expertise in writing military reports, geopolitics, and crime reports. Sheikh holds a bachelor of economic management and sciences and a master's degree in international relationship from International Islamic University Malaysia (IIUM).You can reach him on: abdirahman.abdullahi91@gmail.com